您的位置:首页 > 竞彩技巧 > 竞彩足球技巧 >

Yennie:车仔叉足电大拆礼物

国际比分网 2016-12-26 10:53

11连胜强势轰般茅

Boxing Day英超大战连场,其中一场焦点大战一定係「一哥」车路士主场出击迎战般尼茅夫。车仔暂时17战得43分,只抛离第2位嘅利物浦6分,所以每场赛事都不容有失,更何况对着弱队,全取3分係基本。相信领队干地今晚一定会下令班球员搏到尽,预料会係大战一场,中位数2.5球嘅入球大係明智之选。

(Now 622、LeSports HK应用程式周一晚11时直播)

英超圣诞快车,係全个球季最频密嘅赛程!但车路士竟然喺呢段「魔鬼赛程」当中,失去今季状态回勇、为球队攻入13球嘅首席射手迪亚高哥斯达,同埋防守中场尼高路简迪。皆因呢两位主力同样累积5面黄牌,今场齐齐坐波监,无缘Boxing Day披甲上阵。但相信都唔会影响车仔今场嘅表现,因为佢哋嘅对手只係积分榜第10位嘅般尼茅夫,入波话咁易喇!再加上,车仔自从改踢领队干地以往惯用嘅343阵式之后,球队表现即刻判若两人,更拎到11连胜稳坐榜首。而且,干帅仲喺呢场比赛前,畀班球员放假叉足电,令到成班车仔兵个个都甘心为佢卖命呀!

般尼茅夫连仗失波多

另边厢,般尼茅夫月初对利物浦一战中,一度落后红军1比3嘅情况下,一口气攻入3球,终以4比3反胜对手,尽展后上强势同永不放弃嘅精神!不过喺93分钟致命绝杀、为般尼茅夫射入奠胜球嘅中坚尼敦阿基,今场因借将合约条例而未能披甲上阵,对球队后防线嚟讲唔多唔少都有啲影响,何况佢哋近5场联赛共失12球,对住攻力强劲嘅车仔,相信都几难守得住呀!预计两队会携手合演入球骚,入球大係信心之选。

  本文原创由国际比分网网独家所有,转载请注明出处。

热门推荐