您的位置:首页 > 竞彩技巧 > 竞彩足球技巧 >

乐比坚尼:利物浦细守城池

国际比分网 2016-12-27 13:16

7日3战快车要留放

今晚英超得一场独脚戏,利物浦主场对史笃城。今次快车档期,对两队相当不利,红军七日内三战,其中两场更相隔不足48小时;史笃城则遇魔鬼赛程,三仗对手平均英超得分(33.6)为各队之冠。正所谓凡事去得太尽,缘分定必早尽,预计两队今仗都会留有一手,乐比建议今场捧中位数3/3.5球、有1.72倍嘅细盘。

(Now 621及 LeSports HK应用程式周三凌晨1时15分直播)

利物浦属大开大合球队,本偏向开大盘,但一本通书唔可以睇到老,嚟到快车档期,点都会收一收油,好似上周假期第一档,红军明显已加强防守,结果喺补时阶段先凭沙迪奥文尼入波,以1比0小胜爱华顿。

其实睇番过去利物浦喺「拆礼物日」档期都会踢得比较保守,前季仅以1比0小胜般尼,上季高普接手后亦同样小胜李斯特城1比0,虽然今年迟咗一日踢,但相信利物浦风格仍会以稳阵行先。

史笃城强「细」专家

睇番成个英超快车赛程,利物浦可谓相当唔好彩,因为大部分球队都係8日内踢3场,而利物浦则仅得7日,最惨係除夕战係踢夜场,变相令休息时间又少几粒钟,再加上利物浦板櫈深度唔算充足,菲腊比古天奴仍要养伤,领队高普坦言排阵相当头痛,预咗会作出轮换,若然今场唔係夫添,自然会增加开细嘅机会。

至于史笃城本身就係一支旺细球队,係全英超开细次数最多球队(若以中位数2.5计为65%),前线嘅约拿芬禾达斯、韦菲特邦尼入球能力麻麻,阿拿奥杜域则要停赛,加上佢哋快车档期相当难踢,下场仲要对榜首嘅车路士,相信领队晓士面对两支咁强攻力球队,都会以守行先。

  本文原创由国际比分网网独家所有,转载请注明出处。

热门推荐